Др. Александар Стојанов, директор на Центар за јавно здравје Скопје за телевизија Сител истакна дека се поголем е бројот на млади лица без претходни заболувања кои завршуваат на респиратор или на кислородна поддршка во македонските болници како последица на ковид-19.
– Ако на почетокот на пандемијата во најголем ризик беа повозрасните и хроничните пациенти, сега, состојбата според епидемиолозите е обратна. Сега се повеќе млади луѓе ни заболуваат. Имаме ситуација кога помлади луѓе и здрави заболуваат во тешки форми, заболуваат и постари но полесно. Вирусот кај некои е агресивен, кај други во поблаги форми. Вирусот овие 4 месеци мутирал за да опстане, но кусо е времето за да го осознаеме – вели др. Александар Стојанов.
Тој потенцираше дека Скопје се уште е најголемо жариште на вирусот, а Чаир е општина со најголем број на заболени.
– Со кластери е полесно, ги знаете луѓето и ги изолирате, но сега веќе е излезено надвор и може секој на секое место да заболи. Чаир сѐ уште води но не е како порано. Може да се каже дека ја носиме ситуацијата сѐ додека имаме можност за хоспитализација. Кога бројот ќе биде голем да нема каде да бидат сместени, е тогаш е лошо како што имаше ситуации во некои развиени земји –вели др. Стојанов
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.