Комеморацијата и погребот на Коби Брајант, неговата ќерка Џиана и уште седум лица кои ги загубија животите во хеликоптерската несреќа на 26-ти јануари се закажани на 24-ти февруари во Лос Анџелес.
Како што пренесува „Си-Ен-Ен“, повикувајќи се на извори блиски на семејството на Брајант, комеморацијата ќе се одржи во „Стејплс Центар“ во кој кошаркарската ѕвезда цели две децении играше во дресот на „езерџиите“.
Истите извори појаснуваат дека и датумот е симболично одбран – 24, број што Брајант го носеше на дресот во вториот дел од кариерата додека Џиана играше со број 2 во „Мамба Академијата“ во која како тренер ја водеше нејзиниот татко.
Коби Брајант, кој беше една од најголемите ѕвезди во кошарката и спортот, го загуби животот во хеликоптерска трагедија заедно со уште осум лица меѓу кои и неговата 13 годишна ќерка Џиана.
Светот со неверување ја прими оваа вест.
Брајант кој имаше само 41-година две децении беше прва ѕвезда на НБА лигата со Лос Анџелес лејкерс. Тој со овој клуб освои пет шампионски прстени пред да се повлече од кошарката во 2016 година.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.