Вчера на пладне беше изгласан Законот за Јавното обвинителство со 80 гласа ЗА, шест Против и без воздржани.
На почетокот од Седницата изгласаа само 74 пратеници, по што претседателот Џафери го поништи, бидејќи како што рече, не видел дека пратеничката Лилјана Поповска од ДОМ, побарала процедурално да говори.
Џеват Адеми, Али Ахмети, Амди Бајрам, Љиљана Поповска и Самка Ибраимовски се петте пратеници кои не гласале на првото гласање за Законот за ЈО а пратеникот Узеири – Ферати Мерал воопшто и не бил присутен во салата според официјалните податоци и официјалниот листинг од гласањето во Собранието на Република Македонија.
По неговата дискусија Џафери повика пратениците да гласаат по што пратениците го донесоа Законот за јавното обвинителство со 80 гласови „за“ и 6 гласови „против“.
Веднаш потоа на говорницата излезе пратеникот на ВМРО ДПМНЕ, Никола Мицевски и почна да вика „криминалци, криминалци“.
Претседателот Стево Пендаровски, вчера попладне ги потпиша Указите за прогласување на повеќе закони кои беа усвоени во Собранието.
Потпишани се законите за јавното обвинителство како и изменувањето и дополнувањето на Законот за Советот на јавните обвинители, информираат од кабинетот на Пендаровски.
Меѓу потпишаните укази се и Законот за неевидентирани лица во матична книга на родени; Закон за изменување и дополнување на Изборниот законик; Закон за изменување и дополнување на Законот за одбрана; Закон за изменување и дополнување на Законот за Инспекторат за употреба на јазиците; Закон за изменување на Закон за аудио и аудиовизуелни медиумски услуги; Закон за заштита на личните податоци; Закон за изменување и дополнување на Законот за урбано зеленило; Закон за управување со движењето на предметите во судовите.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.