Во престрелка во Чаир доцна синоќа, еден е загинат, а уште двајца се ранети. Станува збор за вооружен напад врз жртвите кои седеле во чајџилница во близина на основно училиште.

Од МВР без многу детали го потврдија инцидентот.

Вечерва во СВР Скопје е пријавено пукање од огнено оружје во чајџилница на ул. Браќа Реџепагиќ во Скопје, при што, според пријавеното се повредени три лица, а едно од нив починало од повредите. Полициски службеници се упатени на местото на настанот за расчистување на случајот.

ТВ Шења објави дека загинатиот е близок роднина на Камер Идризи кој лани исто за време на рамазанските пости беше жртва на оружен напад во Чаир.

Претходно за Камер Идризи беше објавено дека бил цел на оружен напад заедно со уште 4ца во хотелот Александар Палас преклани кога беше инволвиран и полицаец во инцидентот.

Убиството на Камер Идризи се уште не е расветлено, а првичните информации беа дека убиството е резултат на пресметка меѓу две криминални групи во Скопје.