Српската премиерка Ана Брнабиќ изјави дека претседателот Александар Вучиќ дал налог да се истражи можната шпионска афера за врбување српски агенти по пишувањето на одделни медиуми.

Според тврдења, руски дипломат и припадник на руската воена разузнавачка служба ГРУ, за кого се верува дека е Георгиј Клебан, бил снимен како дава пари на наводно високо позициониран функционер на Србија, кој е негова разузнавачка врска во Србија.

На социјалните мрежи беше објавена и видео-снимка, за која Безбедносно-информативната агенција соопшти дека е автентична.

Во шпионската афера која претходните денови ја тресе домашната и меѓународната јавност, вклучена е и хрватската служба, а како се сомнева, се докопала и до некои српски тајни документи, дознава Курир.рс.

Позади аферата стои и НАТО, кој има намера да ги наруши односите помеѓу Србија и Москва, а конечниот резултат е да се заниша воената неутралност на Србија.

Видеото на преземањето на документите во Земун, ги снимила хрватската тајна служба, се дознава од истрагата.

Портпаролката на руското Министерство за надворешни работи, Марија Захарова, оцени дека снимката за наводниот руски разузнавач,е само последна во низата провокации.

-Сега доаѓа средба на врвот (на почеток на 4 декември меѓу Путин и Вучиќ) и ние сме навикнати една недела или неколку дена пред ваквите состаноци да се појават интересни приказни, некакви сензации. И, тогаш времето минува и сето тоа завршува и се утврдува дека се работело за евтина провокација, рече Захарова на редовната прес-конференција, пренесува Спутник.

Во утрешното издание на Курир.рс ќе читате најнови детали за шпионската афера која го тресе Балканот.