Експлозија одекна денеска попладне во претседателската вила „Горица“, која црногорскиот претседател Мило Ѓукановиќ и Владата ја користат за прием на високи странски гости и делегации, објави весникот „Вечерње новости“.

Како што објави весникот, но се уште не официјално станува збор за експлозија на трафостаница која се наоѓа во подрумот на резиденцијата.

Извори на весникот наведуваат дека безбедносните структури на Црна Гора се сомневаат во обид за диверзија.

На местото на инцидентот веднаш се ипратени пожарникарски и полициски екипи. 

Мило Ѓукановиќ е претседател на Црна Гора. Тој отслужи три последователни мандати како премиер од 1991 до 1998 година ( 1991-1993, 1993-1996 и 1996-1998) , а беше и тогашен претседател од 1998 до 2002 година и повторно премиер во 2003год. до 2008 год. Иако при крајот на 2006год. тој одлучи да се повлече, во февруари 2008год. се врати на функција како премиер. Неговата коалиција победи на изборите во 2009год. со целосно мнозинство обезбедувајќи го шестиот мандат. Тој се повлече од функција како премиер во декември 2010год.

Тој е контроверзен поради неговата улога во деведесетите години и поради постојаното високо ниво на влијателност во политичкиот живот на Црна Гора. Кога Џуканович на млади години се појави на политичката сцена беше бизок соработник на Слободан Милошевич. Меѓутоа во 1996год. се сврти против Милошевич, ги напушти традиционалните заеднички српско – црногорски гледишта во прилог на независна идеологија.Го предвиде преминувањето на Федерална Република Југославија во Државна заедница на Србиа и Црна Гора и порастот на црногорското отцепување од Србиа, кулминирајќи во победа во 2006год. со референдумот на независност.