Во експлозија на гас во џамија во Бангладеш загинаа 13 лица, меѓу кои и едно дете, а 30 беа повредени.

Официјалните лица сметаат дека експлозијата била предизвикана од истекување на гас од гасоводот, како и дека бројот на жртви може да се зголеми, имајќи предвид дека многу од повредените се во критична состојба, пренесува Ројтерс.

Експлозијата се случи синоќа, во близина на џамија во областа Нарајангањ, недалеку од главниот град на Бангладеш, Дака.

Во несреќата се повредени 30 лица, а многу од нив имаат сериозни изгореници.

Властите се сомневаат дека експлозијата била предизвикана од истекување на гас од гасоводот.

Тие веруваат дека гасот се собрал во џамијата по истекувањето од цевката, додека прозорците биле затворени и дека експлозијата најверојатно се случила кога биле вклучени климатизерите.