Две дојави за пожар на две локации во крива Паланка.

Едната дојава е примена во 17 часот и 10 минути за запален кујнски бојлер од спој на електрична инсталација во угостителски објект на главната улица „Св.Јоаким Осоговски“, а другата околу 18 часот и 20 минути на улица ”11 Октомври”.

– Во првиот пожар поради спој на електрична инсталација во угостителски објект кај месноста “Соларски мост” се запали кујнски бојлер, а интервенција е извршена со едно возило и тројца пожарникари. Брзата реакција на нашата служба придонесе да не настане поголема материјална штета, мало оштетување има само во кујната на објектот – информира Иле Коцевски, командир на ТППЕ Крива Паланка.

Во вториот случај, поради невнимание на жителите на куќа во населба Чука, на ул. ”11 Октомври”, зад место викано Мини маркет, кои запалиле отпад во дворот, настанал пожар што зафатил дел од куќата.

За среќа интервенцијата на пожарникарите била брза и покрај тоа што со едно возило и тројца пожарникари била спроведена акцијата и го запреле ширењето на пожарот и спречиле голема материјална штета.