Европската комисија одобри договор со фармацевтската компанија „Џонсон и Џонсон“, што ќе им овозможи на земјите-членки да купат 200 милиони дози вакцини против COVID19, беше објавено во Бисел.
Со овој договор, земјите-членки добиваат можност да набават дополнителни вакцини за уште 200 милиони луѓе и можат да одлучат вакцината да ја дадат на земји со ниски и средни примања или да ја пренасочат кон други европски земји.
„Нашата цел е да им обезбедиме на граѓаните на ЕУ безбедни и ефикасни вакцини веднаш штом ќе станат достапни“, рече претседателката на Комисијата Урсула фон дер Лајен.
Комисијата додава дека вакцината на компанијата „Џонсон и Џонсон“ е во третата фаза на клинички испитувања.
Европската комисија веќе потпиша слични договори со АстраЗенек и Санофи-ГСК и ги заврши прелиминарните разговори со Кјурвак, Бајонтек Фајзер и Модерна.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.