Енди Руиз е новиот светски шампион.

Мексиканецот во „Медисон Сквер Гарден“ го шокираше светот и го победи Ентони Џошуа со технички нокаут во седмата рунда. Популарниот „Еј Џеј“ влезе како најголем фаворит во овој боксерски меч, но Руиз покажа дека се работи за фантастичен боксер и тој стана шампион по верзиите ВБА, ИБФ, ВБО и ИБО.

Првата рунда беше мирна , а Руиз два пати го погоди шампионот на отворањето на втората рунда и тогаш му стана јасно дека може да го загрози шампионот, а токму тогаш почна спектаклот на вечерта. Антони Џошуа успеа да прати Руиз на подот во почетокот на третата рунда, но силниот Мексиканец со фантастична размена на удари успеа со иста мера да му врати на Џошуа.

Руиз се почесто го погодуваше светскиот шампион и по втор пат го прати на подот Џошуа, кој пак и овој пат успеа да се извлече. 

Во седмата рунда веќе се беше готово. Новиот светски шампион два пати успеа да го нокаутира Британецот по што мечот беше прекинат, а Мексиканецот Енди Руиз постана нов светски шампион. Ова е прв пораз за Џошуа во кариерата (22-1), додека Руиз сега има биланс од 33-1.