Денеска претседателот на Турција  Реџеп Тајип Ердоган изјави дека тоа што во моментов се случува во Идлиб може да се опише само со зборот- војна.

Тоа што се случува во Идлиб може да се опише само со зборот- војна. Ние таму веќе почнавме свои операции – рече Ердоган.

Ердоган денеска посочи дека ќе обави телефонски разговор со рускиот претседател Владимир Путин за моменталната ситуација во Сирија, како и дека акциите на Турција во Идлиб ќе зависат од резултатот на тој телефонски разговор.

Денеска ќе разговарам со Путин. Ќе разговараме за се што се случува во Идлиб. Резултатите од овој разговор ќе го одредат однесувањето на Турција. Нема да ги напуштиме нашите позиции во Сирија, додека таму трае насилството на силите на сириската Влада – рече Ердоган.

Ердоган ја опишува целата ситуација со зборот војна поради тоа што во текот на операциите во Идлиб, што се одвиваа со поддршка на турските вооружени сили, ликвидирани биле 150 сириски војници, уништени 12 тенкови, три оклопни возила и 14 противвоздушни системи.