Есад Рахиќ е назначен за нов директор на истражниот затвор во Шутка. Тој доаѓа на месото од Ѓоко Котевски, кој уште во февруари си поднесе оставка од директорската фотеља.

Ѓоко Котевски поднесе оставка до Владата на 25 февруари, четири дена после настаните кои завршија со физички пресметки во затворот, а во кои беа нападнати притворените поранешни министри, Спиро Ристовски и Миле Јанакиески. Есад доаѓа на местото на Ѓоко Котевски, кој си поднесе оставка уште во февруари.

Како резултат на пропустите, како што беше наведено, во затворот бил овозможен првиот вербален и физички инцидент, а подоцна не бил спречен вториот вербален и физички инцидент, иако постоеле можности за заштита.

Покрај оставката на директорот Котевски, согласно констататираните наоди во извештајот, покренати беа дисциплински постапки за инволвирани лица кои ги прекршиле протоколите за работа.

Новиот директор Есад Рахиќ е роден во Скопје во 1964 година.

По професија е дипломиран правник. Политичката кариера ја започнал како член на СДСМ и бил пратеник во периодот 2002-2006, од каде подоцна бил исклучен и веќе во вториот мандат од 2006 до 2008 делувал како независен пратеник. Живее во Скопје.