Европската унија не го признава Александар Лукашенко за претседател на Белорусија и се подготвува да воведе санкции за официјалните лица на таа земја, објави денеска во Брисел шефот на европската дипломатија, Жосеп Борел.

„Веруваме дека изборите на 9 август се лажни и не го признаваме Лукашенко за легитимен претседател на Белорусија“, рече Борел на пленарната седница на Европскиот парламент.

Борел најави воведување санкции „за одговорните за насилството, репресија и фалсификување на изборните резултати“.

„Тие санкции треба да бидат донесени пред Европскиот совет на 24 и 25 септември во Брисел, ако сакаме да го зачуваме кредибилитетот на Европа“, посочи тој.

Одлуката за санкциите треба да биде донесена во понеделник на состанокот на министрите за надворешни работи на ЕУ.

„Ние сакаме решение што ќе овозможи санкционирање на Турција и Белорусија во ист ритам“, додаде Борел.

Борел го осуди продолжувањето на репресијата во Белорусија, каде „беа уапсени повеќе од 7.500 мирни демонстранти и каде беа евидентирани и документирани 500 случаи на тортура“.

„Ако ситуацијата продолжи да се влошува, ќе бидат разгледани дополнителни санкции. Ги повикуваме белоруските власти да најдат решение за кризата, запирање на насилството и незаконското притворање и воспоставување на инклузивен национален дијалог“, а ЕУ е подготвена да „поддржи каква било кредибилна иницијатива“ во оваа насока. , прецизира шефот на европската дипломатија.

Тој додаде дека новите санкции, „под надзор на ОБСЕ, ќе бидат најдобро решение, но досега беше невозможно да стапиме во контакт со белоруските власти на кое било ниво“, рече Борел.

„Одлучноста на Лукашенко да остане на власт, со очигледно зголемената поддршка од Москва, го отежнува тоа“, рече Борел ден по средбата на Лукашенко со рускиот претседател Владимир Путин.