Болките во колената се многу честа појава, со која се соочуваат луѓе од различни генерации.

Возраста има одредено влијание за некои типови на болки што се јавуваат, но кога се работи за болки во колената, сите се подеднакво изложени и тоа од различни причини.

Зошто се појавуваат болки во колената?

Ако сте личност која е физички активна (без разлика дали сте рекреативци или сериозно се занимавате со спорт), тогаш со сигурност некогаш се имате соочено со болка во зглобовите, а како една од најчестите болки од овој тип е онаа што се јавува во колената. Причина за ова е абењето на зглобното ткиво. Како резултат на триењето помеѓу зглобовите се јавува болка и вкочанетост, а многу често можете да забележите и отекување.

Рецепт кој помага за болки во колената:

Облогата се прави навечер и се остава цела ноќ.

Потребни ви се два лимона, на кои им се чисти кората, а потоа се мелат. Во оваа смеса се додава плава глина во прав и една белка. Смесата треба да биде густа како павлака. Потоа се става на газа, околу еден сантиметар дебелина и се става на болното колено. Преку газата ставете најлон фолија и одозгора топол, волнен шал. Болката ќе ви престане. Кога ќе станете, тргнете ја облогата, намачкајте улје врз коленото и најдобро би било, тоа да биде улје од сусам.

За овој рецепт некои нутриционисти велат дека е прекрасен, бидејќи глината содржи елементи како што се сулфур, силициум, калциум кои се неопходни за регенерација на хрскавицата на зглобот.

Глината го загрева зглобот и овозможува етеричното улје од лимонот да навлезе внатре во коската, каде делува спазмолитички, противвоспалително, ги намалува отоците и ја подобрува циркулацијата на крвта.