Новинарот Васко Ефтов во својата нова емисија „Во Центар“ емитувана преку неговиот канал на Јутуб се осварна на темата „5Г“, но и за актуелната тема за корона вирусот.

Ефтов повторно во свој стил и се обрати на нацијата, а емисијата повторно беше мошне гледана и привлече големо внимание кај јавноста.

Тој зборуваше и ги посочи сите оние кои го шират корона вирусот на Македонија, а кои го донеле од странство.

„Што да правиме со оние што скијаа на Копаоник, на Банско, по Италија. Што правиме со докторката Цаца. Отидоа да скијаат откако беше прогласена пандемија на вирусот. Што правиме со нив. Шетаа низ Македонија, ко црн петко ни го ширеа вирусот. Тоа е тероризам, нив ќе ги третираме како тероризам.

Што да правиме со тие луѓе Министре. Што ќе правиме со докторката Цаца. Што правиме сите ние што сме загорзени од нивното однесување, имаат пари и одат на скијање во тие монденски места и ни го носат ко мортадела вирусот и ни го сервират тука како пакетче за нова година од Дедо мраз.

Ќе им ги криеме имињата, ќе ги заштитуваме, ќе ни умираат невини луѓе поради нивната глупост.

Што правиме со тие луѓе, ќе ги оставиме и понатаму да не загорзуваат, ќе бегат од стационар и карантин. Ќе ги санкционираме или толерираме. Никој нема право да си игра со луѓето. Тие луѓе мора да бидат санкционирани.

Излезе информација дека луѓето кои се заразиле од Цаца се заразиле после 18 дена. Кого лажете. За 18 дена тел и јагне се раѓа и почнува да трча. Што феномен е тоа само од докторката Цаца им требало 18 дена период на инкубација.

Ќе ја штитите, пак ќе ја ставате по тепих. Била од вашата партија, Не. не..

Нема тука ВМРО, СДСМ, има да ги санкционирате, како попчиња.
А не оној несреќен пар кој скријале во Австрија сега нешто од инфективна пишуваат донации ќе збирале, ќебиња ќе давале не биле добри условите. Не, вие треба да се покриете со пешкир и да не зборите.

Треба да излезете понизно како Зумбил Ага и да се извините на македонската јавност. Тие луѓе треба да бидат санкционирани. Не само санкциониран, тие треба да бидат жигосани од македонската јавност.

Треба да знаеме кој се точно тие луѓе, по име и по презиме за да може судот на јавноста да го осетат на своја кожа.