Познатиот музичар-саксафонист, Ице Атанасовски од Битола почина од компликации со Корона вирусот.

Според неофициални извори до кои дојде ИН Телевизија, познатиот музичар од кога го прележал ковид-19 вирусот имал компликации со здравјето, по што починал.

Вчера со неверување се простуваа неговите колеги и познаници.

Тажната вест ја потврди и неговиот колега Илија Ампевски.

– Жално е колку луѓе нѐ напуштаат прерано. Ице беше еден од моите најдобри пријатели и колеги. Жал ми е многу денес. Верувам, Бог ти подготви место во неговото царство, друже – вели Ампе.

Ице е роден 18 ноември 1978 година во Битола, до пред некоја година беше член и на групата Модус.