Од компликации со коронавирус почина 49-годишниот лекар интернист Шкури Фазлији.

Според информациите, Д-р Фазлији бил во тешка здравствена состојба и три дека се лекувал на Клиниката за инфективни и фебрилни болести во Скопје.

Во изминатите 24 часа во ковид центрите во Скопје се примени нови 40 пациенти позитивни и суспектни на вирусот на ковид – 19.

Исто така во последните 24 часа на инфективното одделение во Клиничката болница во Битола починаа четворица пациенти сите од Битола, а на возраст од 71, 72, 73 и 75 години, објави Тера.

Со ова вкупниот број на починати пациенти во Битола е 47.

Во моментов бројот на активни случаи во Битола е 606, а бројот на оздравени е 548.