Синоќа на пругата Штип-Кочани се случи железничка несреќа, при што повредени патници нема, но има причинета материјална штетата.
Како што изјави портпаролот на СВР-Штип Гордана Панајотова, несреќата се случила меѓу патнички воз и автомобил марка „фолксваген голф“.
-Несреќата се случила во 19:55 меѓу стојалиштето кај Облешево и железничката станица Кочани помеѓу патничкиот воз што сообраќал на релација Скопје-Кочани и патничко возило „фолксваген голф“ со кочански регистарски ознаки, управувано од 21 годишниот А.И од село Спанчево, вели Панајотова.
Во несреќата причинета е голема материјална штета. Увид на местото на настанот извршила увидна екипа од Полициската станица Кочани.
Како последица на несреќите, железничките претпријатија во изминатиот период бележат голема материјална штета на железничката опрема, постројките и на сообраќајните возила.
Билтените на МВР регистрираат случаи на кражби на делови од пругите, како и каменувања на возовите, што се одразува на безбедноста на сообраќајот.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.