За време на седницата на општинскиот совет на Охрид, Советник од ДУИ нападна колега од БЕСА!
Како што соопштуваат од партијата БЕСА, ова е многу срамно и екстремно ниско ниво. Имено советникот од БЕСА во општина Охрид, Џемал Мена, е физички нападнат од советникот Нефи Усеини на ДУИ“.
Нефи Усеини е познат по многу инциденти во минатото, а во изминатите неколку месеци тој ја тресе охридската јавност со дивоградбите кои ги гради во центарот на Охрид, од кои едната е покрај 1000 годишниот чинар и поради тоа може да се случи најверојатно, Охрид да го изгуби статусот на град заштитен од УНЕСКО.
„Движењето БЕСА остро го осудува нападот врз нашиот советник, кој се бори и ги брани правата на охридските Албанци, а беше нападнат токму за време на седницата на општинскиот совет на Охрид”, изјавуваат од БЕСА.
“Случајот за кој станува збор е пријавен во полицијата и сите странски амбасади ќе бидат известени. Очекуваме дека ова ќе добие вистински епилог. Исто така, Движењето БЕСА ги повикува сите надлежни органи сериозно да го осудат нападот врз партискиот функционер и претставник на граѓаните на Охрид”, велат од БЕСА.
Движење Беса е политичка партија на Албанците во Македонија, основана на 22 ноември 2014 во Скопје. Претседател на партијата е Билал Касами, а генерален секретар е Африм Гаши.
На парламентарните избори во 2016 година „Беса“ освоила пет пратеници, со што станала втора најголема албанска партија во Собранието.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.