Централниот одбор на СДСМ ја започна 11-та седница во седиштето на партијата во Скопје.

Во седиштето на партијата претходно се одржа седница и на Извршниот одбор.

Премиерот Зоран Заев, пред почетокот на седницата за ТВ Сител изјави дека актуелните случувања ќе бидат на дневниот ред на Централниот одбор на СДСМ.

Веруваме дека треба да бидеме најдобар пример на враќање на довербата на владеење на правото, правната држава. Овој случај кој се отвори, се примери на случаи кои постојат во светот, но прашањето е како државата се поставува кон нив, како извршната власт се поставува. Среќен сум што овозможивме да имаме општество каде извршната власт создала целосни услови, истражните и правосудните органи без разлика за кој се однесува, слободно да истражуваат, слободно да аргументират, да прибираат докази и да постапуваат. Секако одлуките треба да се почитуваат од сите, додаде Заев.

За секој што се огрешил пред законот, па дури ако постојат индиции за таа работа, ќе побараме политичко оградување од него, секако се додека не си ја докаже својата невиност или му се докаже вина, рече премиерот Заев.