Шпанските власти објавија дека, поранешниот менаџер на Манчестер Јунајтед, Челзи, Реал Мадрид, Интер и Порто, Жозе Мурињо е осуден на 12 месеци затвор.
Оваа пресуда е дел од договорот што Мурињо го постигна со обвинителите во Шпанија.
Мурињо нема да оди во затворот, бидејќи според шпанскиот закон, казната не може да биде ефективна, ако е за помалку од 24 месеци.
Португалецот беше обвинет за присвојување на сума од 3,3 милиони евра. Тој не ги објавил парите од имиџ правата пред даночните власти за време на сезоната 2011/2012 кога бил менаџер на Реал Мадрид.
Жозе Мурињо е португалски фудбалски менаџер и го има прекарот Специјалниот (Посебниот), кој што самиот си го измислил што подоцна бил прифатен од британските медиуми. За многу експерти, играчи и тренери Мурињо е еден од најдобрите менаџери во фудбалската историја.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.