Тоалетна хартија веќе не е проблем. Шпанските продавници сега полни со тоалетна хартија. Наместо тоа, откако Шпанија стана втора земја жариште на коронавирус по Италија, Шпанците паничат и се повеќе се одлучуваат за купување вино, пиво, маслинки, чипс и чоколадо или едноставно почнале да ги консумираат повеќе овие намирници.

Ова го покажуваат податоците на пазарот во време кога цела Шпанија е во изолација од 15 март.

Шпанците купиле 80 проценти повеќе пиво и 60 проценти повеќе вино во текот на изминатата недела за разлика од претходната недела, се вели во извештајот на Инфортхаил.

Се чини дека маслините се уште попопуларни, бидејќи продажбата скокна за 94 проценти.

Солените чипсови, чоколади, сладолед и апетисани исто така исчезнаа од полиците и нивната продажба се зголеми од 76 на 87 проценти.

Шпанците кои вообичаено се дружат во кафулиња, барови и други места на отворено, сега направија свои домашни барови, пренесува шпанскиот весник „Ел Паис“.

Психологот Олга Кастаниер ги припишува овие промени на вознемиреноста предизвикана од вирусната епидемија и новите ограничувања на движење.

„Кога сте под стрес, не јадете стек. Во оваа ситуација, телото копнее по шеќери и маснотии “, изјави таа за Ел Паис.

Таа признава дека остварила средба со пријатели преку Скајп за заедно да пијат пиво.