Поранешниот фудбалер на репрезентацијата на Шпанија и на Реал Мадрид, Хозе Антонио Рејес (35) загина во сообраќајна несреќа во Севилја.
Според информации од Пиринеите, инцидентот се случил претпладнево на пат, од неговиот роден град Утрера до главниот град на шпанската покраина Андалузија.
Хозе Антонио Рејес ја почна својата фудбалската кариера во Севилја за која како најмлад дебитант заигра на 16-годишна возраст.
По изиграни пет сезони во својот матичен клуб, Хозе направи трансфер во Арсенал за 30 милиони евра и беше дел од „непобедливата“ генерација на „топчиите“ која под водство на Арсен Венгер ја освои титулата во Премиер лигата без загубен натпревар.
Негови наредни фудбалски дебитирања, по лондонскиот клуб беа Реал Мадрид, Атлетико Мадрид и Бенфика пред кам-бекот на стадионот „Рамон Санчез Пискуан“.
Во тимот од Андалузија мина нови четири сезони по што заигра и за Еспањол, за Кордоба, за Шинџијанг во Кина и за Екстрамадура.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.