На денешен пред 16 години животот го загуби Борис Трајковски, тогашниот претседател на државата кој трагично го загуби животот во авионска несреќа во Мостар, БиХ.

По тој повод, денеска поранешниот премиер и лидер на СДСМ, Зоран Заев на својот профил на Фејсбук напиша дека сите политичари треба да го следат примерот на Борис Трајковски.

„Денеска се навршуваат 16 години од трагичната смрт на миротворецот Борис Трајковски, еден од потписниците на Охридскиот Рамковен договор во 2001.

„Блажени се тие што градат мир…“ е дел од библиската порака од неговиот надгробен споменик која е аманет за сите политичари.

Претседателот Борис Трајковски вечно ќе остане запаметен како чесен и доблесен, проевропски политичар, посветен на сите граѓани и на поголема регионална и меѓународна соработка на нашата држава.

Ние продолжуваме да го следиме неговиот пример, градејќи мир, едно општество и соработка со сите наши соседи“ напиша Заев на Фејсбук.