Премиерот Зоран Заев денес преку социјалните мрежи порача дека мора секој да одговара за тоа што го сторил.
Италијанскиот весник Ла Верита денес сподели ново видео за аферата Рекет. Во видеото се слуша женски глас како преку телефон вели дека се ќе биде ОК, додека Бојан Јованоски преку телефонски повик се договара со бизнисменот Орце Камчев кога да дојде по рекетот во вредност од милиони евра.
По тој повод премиерот Зоран Заев попладнево реагираше на социјалните мрежи и порача дека истрагата мора да ги открие сите детали и секој да одговара за своите постапки.
– Истрагата мора да ги открие сите детали. Секој да одговара за своите постапки. Граѓаните заслужија правда, напиша Заев на својот Фејсбук профил по објавувањето на снимките во италијанскиот весник „Ла Верита“.
Бизнисменот Орце Камчев во видеото изјавува дека парите на Боки 13 му ги спакувал во соодветна торба „Луј Витон“ и дека не оди да му дава него пари во Адидас торба.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.