Премиерот и лидер на СДСМ, Зоран Заев и претседателот на ВМРО-ДПМНЕ, Христијан Мицкоски на крајот од вчерашниот тв дуел си подадоа рака за фер и демократски локални избори.
Заев рече дека нема никаков проблем да си подаде рака со политичкиот опонент, а Мицкоски рече дека е прв од актерите на политичката сцена кој најавил позитивна кампања со проекти и политики важни за граѓаните.
Мицкоски посака на изборите да има услови за фер и демократско изразување на граѓаните.
Немам проблем да ветам фер и демократска кампања, но тоа не е дел од одговорноста на опозицијата зашто власта е организатор на изборите.Да не се случи тоа од 2020 година, ниту од „Бетовенова“, туку да има слободно, фер и демократско изразување.
Лидерот на опозициската ВМРО-ДПМНЕ, Христијан Мицкоски на вчерашното гостување на телевизијата Канал 5 изнесе целосно неточна информација дека анкетата на „Брима“, објавена денеска од страна на медиум, била платена од владини пари на јавен тендер, соопшти владината прес-служба.
Не постои јавна набавка за анкетата, односно истражување на јавното мислење на „Брима“, ниту, пак, таа е платена со пари на граѓаните. Ваквите лаги се неодговорно однесување кон јавниот интерес и имаат за цел да и наштетат на Владата доведувајќи ги граѓаните во заблуда и поткопувајќи ја довербата во институцијата, се вели во соопштението.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.