Претседателот на Владата на Република Македонија и претседател на СДСМ – Зоран Заев денес најави лидерска средба со претставниците на поголемите политички партии која ќе се одржи утре попладне а со цел да се забрзаат процесите за подготовката на Референдумот за Договорот со Република Грција. 

Според Заев кој оваа вест ја соопшти на прес конференцијата која ја имаа заедно со Еврокомесарот Хан – средбата ќе биде координирана и со работните активности на претседателот на ВМРО – ДПМНЕ – Христијан Мицкоски кој за периодов веќе имал најавено службени патувања. Претседателот Иванов не беше спомнат.

Најавата за лидерска средба доаѓа во момент кога нема одговор на тоа кое би било референдумското прашање – каква содржина би имала новата Преамбула и членовите на Уставот на Република Македонија но и во момент кога Ахмети и ДУИ побараа и Референдум за Законот за употреба на јазиците а скоро во исто време со доставувањето на Предлогот на Законот за изменување на Изборниот законик на Република Македонија до пратениците од страна на Талат Џафери.