На следните избори одиме со целосна еднаквост – на листите 50 проценти од кандидатите ќе бидат жени – најави денеска претседателот на социјалдемократите на Македонија Зоран Заев известува ТВ24

Во своето обраќање пред Форумот на жени на СДСМ насовен „20 години чекориме на патот на еднаквоста“ – премиерот истакна дека е потребно целосно спроведување на Инстанбулската конвенција, и тоа не само во рамките на неговоата партија, туку многу пошироко. Според првиот човек на социјалдемократите, иако е потребна уште работа, вели досега успејале да ја исправат неправдата со платите, а дале и неповратни средства за почнување бизнис на жени од рурални средини.

„Ние сме предводници и на концептот 50-50 на застапници на жените во политиката, не како бројка, туку како суштина, како квалитет. И кога, ако не денеска, да кажам дека ме имате на ваша страна. На следните изборни листи СДСМ ќе има 50-50, целосна еднаквост“. – изјави Заев.

Македонија во НАТО влегува со жена министерка за одбрана – ова е пораката која денеска ја испрати потпретседателката на СДСМ, Радмила Шекеринска. Пред присутните истакна промените бараа заедничка храброст, покажавме храброст затоа беше можен и државниот успех.

„Токму оваа Влада и ова Собрание ја изгласаа истанбулската конвенција, и го вратија правото на жените да одлучуваат за своето тело и своето здравје. Токму во овој мандат, кога жена ја води одбраната, влегуваме во НАТО.“ – изјави Шекеринска.

За патот на Македонија кон НАТО – се говореше и вчера, на трибината на социјалдемократите во Велес. Премиерот истакна дека Шпанија во скоро време ќе го ратификува Протоколот за членство на Македонија во НАТО, а тоа му било потврдено како што рече и во телефонски разговор со шпанскиот премиер. Уште Шпанија и Франција- се двете земји кои останаа да го ратификуваат Протоколот.

Според најавите кон крајот на овој или почетокот на исниот месец Франција треба да го заврши процесот. Полноправното членство на земјава во НАТО ќе треба да се случи некаде кон февруари идната година.