Платите во нашата држава значително пораснаа. Минималната плата ја покачивме за 5.500 денари, односно од 9.000 денари пред да дојдеме на власт, сега таа изнесува 14.500 денари, пишува на социјалните мрежи лидерот на СДСМ, Зоран Заев!
Просечната плата пред економската криза предизвикана од пандемијата, достигна над 27.000 денари.
Владата предводена од СДСМ значително повеќе ги зголемува нето платите од Владата предводена од ВМРО-ДПМНЕ, за пократко време!
Третиот пакет економски мерки нуди поддршка за македонското стопанство. За развој и зачувување на работните места, вели Заев!
Новиот сет мерки на Владата предводена од СДСМ, во вредност од 355 милиони евра опфаќа 730 000 корисници и ќе стимулира зголемување на ликвидноста, заштита, промоција и раст на домашната економска понуда, а нуди и поддршка и за земјоделците, како и поддршка на домашниот туризам.
Дел од третиот пакет економски мерки се платежните картички кои значително ќе им помогнат на граѓаните во услови на криза и ќе ја зајакнат продажбата на домашните производи.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.