„Секако дека нема да дозволам неколку криминалци, еден суетен новинар, и да ме извини ЛГБТ заедницата, еден педер да ја симнат оваа Влада од власт. Не. Ќе се бориме до крај затоа што секој кој се инволвирал секако ќе си носи одговорност“ оваа скандалозна изјава на премиерот Зоран Заев  вчера предизвика бурни реакции кај јавноста.

Веднаш по првите реакции и обвинувањата премиерот Заев преку социјалната мрежа „Твитер“ се извини на ЛГБТ заедницата и појасни дека зборот „педер“ го употребил како карактерна особина, а не да означа сексуална припадност.

– ЛГБТИ заедницата ја има мојата голема почит. Затоа, пред да го употребам зборот „педер“ упатив извинување. Тој збор го употребив за да дадам карактерна особина, а не да означам сексуална припадност. Извинување за ЛГБТИ луѓето. Ќе се борам за нивните права, како и досега, напиша Заев на „Твитер“

На ваквата изјава на премиерот реагираа од опозициската партија ВМРО-ДПМНЕ кои преку во соопштение до јавноста побараа одговорност. ВМРО најостро ги осуди навредите и заканите на Заев кон новинарите кои го обелодениле неговиот криминал, како и навредите врз основа на сексуалната определба.

Агенцијата за аудио и аудиовизуелни медиумски услуги, пак, побара премиерот да се воздржи од како што  оцени дискредитирање, етикетирање и дискриминирање, а ЗНМ побара од премиерот Заев тој да им се извини на новинарите.

– Ваквиот агресивен говор кон новинарите од страна на претседателот на Владата може да поттикне насилство кон нашите колеги, а со тоа и дополнително да се загрози нивната безбедност и да се ограничи слободата на изразувањето, оцени ЗНМ, забележувајќи водно и дека „непримерниот говор во однос на припадниците на ЛГБТИ заедницата не доликува на сериозен политичар и носител на таква висока функција.