Според Заев, Законот за амнестија на обвинети за настаните од 27 април, бил донесен во моменти кога било потребно двотретинско мнозинство за уставните измени. 

– Законот за амнестија се случи во рамки на помирувањето, тоа е многу сериозен процес, кога на државата и требаше двотретинско мнозинствo. Јавно го кажувам тоа и не бегам од тоа. Верувам дека Парламентот нема потреба повеќе да посегнува по такви работи. Тој случај беше јасно издиференциран, каде се одделија сите кои учествуваа во организација на насилство, од оние кои беа заведени. Не верувам дека институциите, ниту Министерството за правда, ниту претседателот, ќе отворат таков случај на амнестија, изјави Заев. 

Со денешната изјава на Зоран Заев паднаа во вода убедувањата на 8-те пратеници од ВМРО-ДПМНЕ  дека гласале поради евроатлантската иднина на Македонија. Крсто Мукоски, Сашо Василевски и Љубен Арнаудов беа амнестирани за настаните од 27 април иако експертската јавност реагираше дека не може лицата кои го овозможиле извршувањњето на кривичните дела од 27 април да бидат амнестирани. Синот на пратеничката Владанка Авировиќ за измама при доделување на милионски суми тендери беше условно осуден за што јавноста коментираше дека тоа е дилот за нејзината поддршка за уставните измени за Северна Македонија.