Премиерот Зоран Заев, во интервју за „360 Степени“ понижувачки кон Таравари ја коментираше изјавата на лидерот на ВМРО-ДПМНЕ, Христијан Мицкоски дека при посетата на Гостивар му приоаѓале Албанци и го прегрнувале, велејќи му дека ќе гласаат за ВМРО-ДПМНЕ, како и тоа дали се уште има поддршка од Албанците и другите етнички заедници.

„Прво, јас за да го докажам тоа треба само да го погледнат амбиентот околу мене. Граѓаните од сите етнички заедници, и Албанците и Македонците и Србите и Ромите и Турците и Власите и Бошњаците, сите покажуваат отворена љубов. Не знам дали е мојот пристап таков, дали е мојот наратив таков, дали ликот ми е таков, не знам зошто. Господинот Мицкоски веројатно не го препознава господинот Таравари. Може тоа господинот Таравари и тимот околу него да го гушка. Албанците за да го гушкаат, дај боже да го дочека тоа, треба да се покаже, да го постави својот наратив така и да се растерети од таа филозофија на неговиот шеф – чиста Македонија, Македонија на Македонците или слично. Од секогаш сме биле мултиетничка земја и такви ќе останеме. Додека тоа не го промени, може да го користат неговите политички партнери, тие се коалиционен партнер на ниво на Гостивар, и веројатно не можел човекот да го препознае. Или Таравари бил, или неговиот шеф на кабинет, или неговиот тим“, рече Заев

Градоначалникот на Гостивар вчера на Фејсбук експресно реагираше по ироничната изјава на премиерот Зоран Заев кој синоќа во емисијата 360 степени на Алсат-М рече дека можеби Христијан Мицкоски се гушкал со Таравари или со неговиот шеф на кабинет, но не ги препознал дека се тие: „На Мурто Амнестија не му пречи бегството на Груевски, ниту слободата на Велјановски, ниту затворот на Фета Халими, запнал со Гостивар“, напиша Таравари на Фејсбук.

Свесно или несвесно, премиерот во оставка Заев со понижувачката изјава кон Таравари, кажа еден битен политички момент, а тоа е дека за него коалицијата со ДУИ е опцијата на која тој како претседател на СДСМ и дава приоритет. Можеби тоа е и веќе разговарано на ниво Заев и Ахмети, ден пред лидерската средба на која се договори 12ти април 2020 година да биде датумот за предвремените парламентарни избори.