Премиерот Зоран Заев на новинарско прашање дали побарал мислење од албанските партии за влез на земјава во т.н. мини шенген истакна дека она што моментално го работи Владата не е ниту мал шенген, ниту мала Југославија.

Заев посочи дека  работи на зголемување на регионалната соработка – процес кој ЕУ го препозна и сака да го поддржи со 1,2 милијарди евра.

Должност ми е како премиер да го олеснам животот на нашите граѓани и за таа моја обврска не гледам причина да се консултирам. За вакви прашања треба да дејствувам, да делувам кога можам повеќе, рече денеска претседателот на Владата. Балканот конечно седи на маса со своите лидери и изнаоѓа решенија за проблемите. Овој процес на зголемена регионална соработка значи ЦЕФТА плус, RCC плус, Берлински процес плус. Чекањето за ЕУ, да станеме европејци, не уби сите. Дотогаш можеме малку повеќе да сработиме сите, што зависи од нас, да отвориме дополнително две ленти, да го овториме граничниот премин Голо Брдо, полицајците да бидат поефикасни. Ако треба некого да прашам за тоа да го работам, еве нека кажат што им смета, дали е тоа БЕСА, ДУИ, коалициски партнер, некоалициски партнер, власт, опозција. Нека кажат тоа ни смета, не не прашавте за тоа, јас сум подготвен да разговарам веднаш. Ги повикувам сите да кажат против што се. Дали се против тоа што сакаме да ги намалиме за 80 отсто чекањата на границите од што во моментов целиот Западен Балкан губи една милијарда евра годишно?, напомена Заев.