» Ја прифатив оставката на министерот за одбрана – изјави Ципрас пред новинарите, истакнувајќи дека соработката на нивните партии успеа да ја води Грција од програмите за меморандуми, истовремено поддржувајќи ги сиромашните слоеви на општеството и отворајќи пат за борба против корупцијата.
Цели четири години имавме фер партнерство … иако бевме од различни политички семејства, изјави денеска грчкиот премиер Алексис Ципрас, коментирајќи ја соработката на неговата партија со независните Грци (АНЕЛ) и нејзиниот водач Панос Каменос, по денешната одлука на Каменос за повлекувањето на неговата партија од коалициската влада.
Тој му се заблагодари на Каменос за неговиот “незаменлив” придонес во ова време.
Ципрас објави дека веќе контактирал со претседателот на грчкиот парламент и побарал од него да започне постапка за гласање доверба на владата, за да може да го заврши својот мандат што му истекува во октомври 2019 година.
Според извори на кои се повикува грчката агенција Ана-мпа, процесот околу гласањето доверба на грчката влада би започнал во вторник, а би финиширал во четврток, кога ќе биде јасно дали Ципрас го има мнозинството за опстанок на неговата влада и за ратификација на Спогодбата од Преспа.
Токму донесувањето на уставните измени во македонскиот парламент, беше главна причина Каменос да ја напушти коалиционата влада, бидејќи уште претходно изјавуваше дека за него спогодбата од Преспа е неприфатлива.
На 13 Декември Магазин објави:
» Сфаќате дека постојат некои прашања кои се „црвена линија“ за нас и не можам јас, како политички шеф на вооружените сили, но и поради позицијата што јавно ја зазедов од почетокот на мојата политичка кариера, да прифатам да останам министер за национална одбрана и во исто време, да потпишам за предавањето на терминот „Македонија“.
Јас никогаш нема да го сторам тоа.
Ќе се борам, со сета моја сила, да сфатат сите, а особено странците, дека Грција ја има сета добра волја да се најде решение. Ние не сакаме војна со никој, но сакаме да сфатат дека со една пропаганда што започна од времето на Мусолини и Тито, не можат да ја оспорат историјата на грчката Македонија. – рече Каменос
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.