Заминувањето на Меси од Барселона го раздвижи европскиот фудбал!

Откако веста ја разбрани фудбалската јавност, сепак една мала доза на задоволство можеше да се почувствува на љубителите на добриот фудбал кои сигурно би сакале во иста лига повторно да ги гледаат дуелите на Меси и Роналдо.

Фото/Текст извор: ©магазин.мк

Пред неколку дена во медиумите како бомба одекна веста дека по 11 години ја напушта Барселона и како што објавија светските медиуми, наводно сакал да се проба во италијанската лига, па веќе и постигнал договор со фудбалскиот гигант Интер.

Лионел Андрес Меси е роден на 24 јуни 1987) — аргентински фудбалер кој настапува за екипата за Барселона и репрезентацијата на Аргентина. Се смета за еден од најдобрите фудбалери на својата генерација, а често и за најдобар фудбалер во светот,со неколку номинации за Златна топка и Играч на годината до својата 21. година, а веќе на 22 ги доби и двете.Неговиот стил и вештина потсетуваат на оние на Диего Марадона, кој и самиот го прогласи Меси за свој „наследник“.

Имено Меси кој до сега шест пати беше прогласен за фудбалер на годината и се закити со шест „златни топки“ испратил порака до клубот и побарал да замине од клубот преку активирање на клаузулата, која му овозможува еднострано да замине на крајот на секоја сезона.

Според она што беше објавено во шпанскиот дневен спортски весник „Марка“ оваа клаузула требало да се активира пред 10 јуни, но поради пандемијата, односно одложувањето на фудбалските натпревари можеби доведуваат до тоа тој да побара излез и сега.

Меси почнал да игра фудбал на рана возраст и неговиот потенцијал бил набргу забележан од „Барселона“. Во 2000 година, тој го напуштил клубот „Њуелс Олд Бојс“ од родниот град Росарио и заминал со своето семејство во Европа, бидејќи „Барселона“ му понудила лекување на неговиот здравствен проблем (недостаток на хормонот за раст).

Во текот на својата кариера, Меси повеќепати се нашол на списокот на најдобрите стрелци во Европа. Во сезоната 2009/2010, тој ја добил својата прва „Златна копачка“ како најдобар стрелец во Европа, следната сезона бил втор најдобар стрелец, во октомври 2012 година по вторпат ја добил „Златната копачка“, а истата награда ја освоил и во сезоната 2012/2013. Потоа, во сезоните 2013/2014 и 2014/2015, тој бил втор најдобар стрелец во Европа, а во сезоната 2016/2017 ја освоил четвртата „Златна копачка“.

Во февруари 2014 година, ФИФА го објавила списокот на десетте најдобри фудбалери на светот на сите времиња. Притоа, Меси го зазел седмото место како единствениот активен играч кој се нашол на списокот.

Како потврда за добрите игри, на крајот од 2014 година, Меси бил номиниран меѓу тројцата кандидати за наградата „Златна топка“ која ја доделуваат ФИФА и „Франс фудбал“ за најдобар фудбалер на светот. Исто така, во изборот на списанието „Ворлд сокер“, со освоени 593 поени, Меси бил избран за трет најдобар фудбалер во светот за 2014 година, пласирајќи се зад Кристијано Роналдо и Мануел Ноер.

Во 2015 година, Меси бил прогласен за најдобар фудбалер на светот во изборот на ФИФА, освојувајќи 41,33% од гласовите, со што по петти пат го освоил ова признание.

Во 2016 година, Меси се пласирал на второто место во изборот на ФИФА за најдобар фудбалер на светот, освојувајќи 26,42% од гласовите. Притоа, тој не се појавил на церемонијата на доделувањето на наградите, исто како и другите кандидирани фудбалери од „Барселона“.

На 2 декември 2019 година, на церемонијата одржана во Милано, Меси по шести пат ја освоил наградата „Златна топка“ за најдобар фудбалер на светот.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.