Турција ги засили контролите денес на јавни места, еден ден откако претседателот Реџеп Таип Ердоган воведе употреба на маски за лице за борба против пандемијата на коронавирус.
Турција досега регистрираше 425 смртни случаи поврзани со коронавирус и скоро 21 000 инфекции, од кои повеќето се пријавени во Истанбул, пренесува АФП.
„Од сабота, секој што оди во продавници или пазари мора да носи маска за лице“, рече Ердоган, повикувајќи ги граѓаните да задржат „три-чекори“ растојание едни од други.
На пазарот во Истанбул, кој е отворен секоја сабота, официјалните лица ја мерат температурата на клиентите на влезот. Вели Илдирим, 50), кој продава зеленчук и тврди дека мерките дошле „премногу доцна“.
– Ние сме последни во споредба со остатокот од светот. Дури и тоа не е доволно, треба да има целосно „затворање“ во Истанбул – изјави Јилдирим за АФП.
Како дел од преземените мерки на национално ниво, властите ги прекинаа меѓународните летови, издадоа забрана за патување за лица под 20 и над 65 години и затворија училишта.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.