Тврдењата дека македонците се вештачки народ измислен во 1944 заедно со македонскиот јазик од страна на официјална Бугарија за шефицата на бугарската деипломатија не преставува говор на омраза кон соседот.

Освен работата на историската комисија Захариева ја обвини Македонија и дека не го исполнува договорот со Бугарија и во инфраструктурата, а се блокирале и бугарските инвестиции.

Захариева продолжи и со изнесување на таканаречени историски факти познати само на бугарската публика и сега тврди дека Скопје го слави Тито кој според неа убил милиони луѓе.

– Кон мене беа прилично брутални кога се осмелив да го искажам своето неразбирање затоа што ја славеа четириесетгодишнината од смртта на еден од најмрачните диктатори – Тито. За помалку од десет години тој убил речиси 1,7 милиони луѓе во поранешна Југославија. А тие таму го слават него. Градоначалникот на Скопје е партиски другар на Заев. Потоа веќе таму не бев толку популарна. Ама тоа е исто како градоначалникот на Берлин да дојде на идеја да го слави денот на смртта на Хитлер. – изјави Изјава Екатерина Захариева, министерка за надворешни работи на Бугарија.

Градоначалникот на Куманово Максим Димитриевска пак за време на гостувањето во Студио 10 на ТВ24 вели дека во неговата општина нема да се вадат таблите на кои пишува бугарски фашистички окупатор, додека професорот Мерсел Биљали смета дека во Април или Јуни земјава ќе добие датум за преговори, но не треба премногу да очекуваме од процесот.

Претседателот на бугарскиот тим од мешовитата комисија за историски прашања, Ангел Димитров во интервју за „24 часа“ вели дека работата на комисијата е блокирана бидејќи според него македонските колеги не се откажувале од митовите од минатото.