Славниот шведски фудбалер Златан Ибрахимовиќ изгледа повторно ќе се најде на терените на “Сан Сиро” во Италија и повтроно ќе го носи дресот на Милан.
Ибрахимовиќ е веќе неколку месеци во преговори со делегацијата на клубот и на почетокот на јануари наредната година,тој повторно после 6 години пауза повторно ќе го облече дресот на Милан.
Тренерот на Милан Генаро Гатузо сака да го донесе повторно Ибрахимовиќ во тимот, бидејќи има големо искуство на играње во серијата А, и тој мисли дека Златан е право решение за неговиот клуб. 37 годишниот Ибрахимовиќ играше за Милан две сезони и во тоа време тој постигна 56 голови и ја освои титулата на серијата А, пред него што направи трансфер во Пари сен Жермен во 2012 година.
Како што е наведено во Италијанските медиуми Златан сака да ја продолжи својата кариера во Милан но има и свои услови кои сака да му бидат исполнети. Тоа е повеќе годишен договор за игра во клубот, меѓутоа Италијанските членови на клубот засега му понудиле само 6 месечен договор и годишна плата од 12 милиони евра, ама со додатни бонуси Ибрахимовиќ може да заработи право богатство.
Исто така Ибрахимовиќ барал да добие за секоја одигран натпревар по милион евра и за секој постигнат гол плус 20 илјади евра.
Останува да видиме и очекуваме дали славниот шведски фудбалер повторно ќе заигра во дресовите на Милан и на теренот на САН СИРО.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.