Ибрахим Дехари ќе биде нов министер за странски инвестиции, дознава Алсат.
Ибрахим Дехари е кадар на ДУИ, бизнисмен, потекнува од селото Гајре, а во моментов е професор на Тетовскиот универзитет.
Ибрахим исто така е сопственик на ресторанот „Ара“ во Тетово. Дехари доаѓа на местото на разрешениот Зоран Шапуриќ.
Во досегашната кариера Шапуриќ бил министер за животна средина и просторно планирање, пратеник во Собранието на Република Македонија, претседател на собраниска комисија за политички систем и односи меѓу заедниците и член на други собраниски комисии, член на собраниска делагација во Собранието на Западно европска унија и Нато,…
Работел и во Уставниот суд на Македонија како виш стручен соработник, бил помошник генерален директор во МЗТ комерц и заменик на генералниот директор во ЈП „Паркови и зеленило Скопје“.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.