Разрешената специјална јавна обвинителка која во моментот се наоѓа во притвор во затворот во Шутка, Катица Јанева како што објави Фактор, наводно во писмото кое го испратила до Специјалното јавно обвинителство, а кое повторно е напишано рачно, според извори на Фактор, освен што ги бара парите до резервниот фонд за да си ги плати тековните трошења поврзани со рочиштата, побарала и да и се дадат сите нејзини лични работи од канцеларијата која во мокментот е затворена.

За порталот Фактор обвинители од СЈО, потврдуваат дека во канцеларијата на Јанева  има слики, плакати, саксии за цвеќе, но имало и пијалоци и десерти  но се уште не е познато како тие би биле земени од канцеларијата која според информации на Фактор, моментално е затворена, а СЈО работи формално, односно државниот јавен обвинител Љубомир Јовески даде наредба обвинителите да одат на работа за да ги чуваат предметите.

Според информациите оттаму, ако Вилма Рускоска, обвинителката која го води случајот „Рекет“ во кој Јанева е осомничена одлучи да и ги даде работите на поранешната обвинителка, тоа ќе се направи по нејзин налог и под надзор.

Инаку како што утринава објавивме, резервниот фонд во СЈО постоел, а обвинителите секој месец издвојувале по 3.000 денари, а останатите вработени по 1.000 денари.

Поранешната шефица Јанева во текот на утрешниот ден пред обвинителката Вилма Русковска треба да даде исказ како осомничена во „Рекет“.

Инаку вчера емисијата КОД откри покантни детали за специјалните јавни обвинители, кои добивале надоместок поради доверливоста на нивната работа околу прислушувањето на „бомбите“.

Висината, сумата на надоместокот не се открива бидејќи е службена тајна и се исплатува врз основа на доверливи договори потпишани со сите чија задача е преслушување на бомбите, односно нелегално снимените телефонски разговори.