Крвав инцидент во градскиот превоз во Скопје. Според информаците на МВР, три лица се хоспитализирани од кои едно сѐ уште е во животна опасност по насилната пресметка што вчера околу пладне се случи во автобус на ЈСП, број 56, помеѓу две групи малолетници.

Тешко повредениот е малолетно момче, на возраст од 16 години, кое има повреди од остар предмет и се наоѓа на Комплексот клиники „Мајка Тереза“.

Со повреди се здобиле и уште две други малолетни лица.

МВР презема мерки за целосно расчистување на случајот.

Ова не е прв инцидент во градксиот превоз во Скопје, полицијата речиси секој втор ден регистриа неколу немили настани во автобусите на ЈСП.

Уште една несреќа на скопските улици, маж итно пренесен на скопските клиники откако бил пронајден како лежи во бесосзнание на коловозната лента.

Маж во безсознание лежел покрај автопатот Скопје- Куманово, па откако го забележале лицето било пренесено на Клиника каде е утврден неговиот идентитет.

-Вчера во 05.58 часот во СВР Скопје било пријавено дека на автопатот Скопје – Куманово, под надвозникот „Маџари“, на коловозната лента за излез од Скопје, лежело машко лице во бессознание. Лицето било пренесено во комплексот клиники „Мајка Тереза“ за укажување лекарска помош, а по преземени мерки било утврдено дека станува збор за Д.Ј.(64) од Скопје- соопштуваат од МВР.

На местото не биле пронајдени траги од насилство. Се работи на расчистување на случајот.