Претседателот на Партијата за демократска акција (СДА), Бакир Изетбеговиќ, изјави денеска дека е исклучително важно Босна и Херцеговина да има добри односи со Хрватска и Србија, но исто така тврди дека тие две земји и должат на БиХ милијарди марки како и извинување.
Изетбеговиќ вели дека осум години се обидувал да ги наметнува зад затворени врати прашањата што БиХ требаше да ги реши со соседите, но дека наиде на блокада.
Требаше да излеземе во јавноста со овие проблеми. Нашите соседи ни должат милијарди КМ, поради узурпација на земјиште, имот, долгови кон компании и слично, изјави Изетбеговиќ за Klix.ba.
Според него, Србија и Хрватска треба да и се извинат на БиХ за она што го сторија во 90-тите години на минатиот век.
Наместо да ни се извинат како Вили Брант, тие две земји сè уште се патерналистички кон БиХ, смета Изетбеговиќ.
Бакир Изетбеговиќ, лидерот на Партијата за демократска акција (СДА), која важи за најголема бошњачка партија во Босна и Херцеговина, неодамна истакна дека Русија радикално е вклучена во внатрешните работи на Босна и Херцеговина.
Во рамките на посетата на градот Мостар во пресрет на локалните избори во недела, Изетбеговиќ се осврна на контактите на рускиот министер за надворешни работи Сергеј Лавров во Босна и Херцеговина кои предизвикаа контроверзност и дискусии.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.