Околу 850 членови на СДСМ во Охрид го искористиле правото на глас на внатрепартиските избори до 12 часот.

– Излезноста до 12 часот во СДСМ Охрид е 34,08 отсто, вели претседателот на општинската организација, Лазе Таневски во изјава за ОХРИД 24.

Вкупно за гласање се регистрирани 2506 активни членови, кои гласаат на 9 избирачки места со “за” или “против” за единствениот кандидат Зоран Заев.

Денеска членовите на СДСМ ќе гласаат на првите директни избори за партиски лидер, а на кои не се очекуваат поголеми изненадувања односно реизборот на Зоран Заев е повеќе од извесен.

Тој е единствен кандидат, а на гласачкото ливче членовите ќе може да заокружат „за“ или „против“.