Изрешетан со 150 куршуми- убиен полицаец кој учествувал во апсење на синот на Ел Чапо

Грозоморниот чин бил снимен од камери во средата наутро и на видео снимките се гледаат двајца мажи со полуавтоматски пушки како излегуваат од црвен автомобил и пукаат во бел Нисан.

Фото/Текст извор: ©магазин.мк

Дури 150 куршуми завршиле во телото на полициски службеник во Мексико, кој бил вклучен во апсењето на синот на накобосот Хоакин „Ел Чапо“. Полицискиот службеник Едуардо Н. бил убиен на паркингот.

Полициската заседа траела помалку од 30 секунди, но за кратко време напаѓачите го совладале белиот автомобил во кој бил полицискиот службеник со најмалку 150 куршуми, објави Дејли Меил.

Убиството се случило во трговски центар во Кулиакан, главен град на мексиканската држава Синаола.

32 годишниот полицаец кој бил убиен бил идентификуван како Едуардо Н. припаѓал на елитната единица на државната полиција.

Според извештаите на локалните медиуми, на 17 октомври офицерот учествувал во апсењето на Овидиј Гузман Лопез, син на Ел Чапо Гузман, шеф на нарко картелот.

Ел Чапо е најпознат по изградбата на тунели кои ги поврзуваат Месико и САД и преку кои тој шверцувал огромни количества на дрога во САД. Првиот тунел го изградил во доцните 1980-ти, кога ангажирал архитект да проектира подземен премин од Мексико во САД. Стекнал „слава“ во светот на нарко бандите поради брзината со која ја пренесувал дрогата во САД. Иако овој тунел бил откриен, нарко – бандите не престанале да го користат „изумот“ на Ел Чапо – од тогаш пронајдени се над 100 тунели за илегален трансфер на дрога од Мексико во САД.

Ел Чапо морал да измисли нови начини за шверц – со подморници, на трактори, во фрижидери, па дури и со катапултирање на кокаинот преку граница!

Ел Чапо го напуштил училиштето на 8 годишна возраст за да бере портокали со неговиот татко. На 15 години почнал да продава кокаин. Во осумдесеттите бил регрутиран од босот на Гвадалахара картелот Мигел Ангел Феликс Галардо. Работата на Ел Чапо била да контактира со шверцерите со дрога од два колумбиски града и да обезбеди шверц на кокаинот во САД, Европа и во Азија. Наскоро се искачил на врвот од хиерархијата на картелот како криминален „мастермајнд“ кој ги знае сите трикови. Наскоро санал еден од најбогатите и најмоќни луѓе и тоа не само во Мексико.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.