Секој верник речиси секој ден барем по еднаш го споменува Бог. Најчесто се молиме за здравје, за среќа за нас и нашите најмили.
Нема христијански дом во кој не може да се види икона од светецот заштитник на семејството.
Во Православието, иконата претставува слика на која е претставена некоја светија, како Господ Исус Христос, Богородица Марија, светци, ангели или Крст. Иконите, исто така може да бидат изведувани во метал, издлабени во камен, изрезбани во дрво, навезени на облека, изградени како мозаик, испечатени итн.
Со помош на бои, облици и линии, низ еден јазик на симболичен реализам, сликарски израз единствен во својот род, ни се открива духовната состојба на човекот спасен во вечноста на Царството Небесно. Човекот – храм Божји.
Постојат многу светци кои му помагаа на човекот во неволја но некои икони мора секогаш да ги имате во домот.
Иконата на Мајката Божја или на Богородица е онаа која мора да ја имате во домот.
Богородице Дево, радувај се благодатна Марије Господ е со тебе. Благословена си ти меѓу жените и благословен е плодот на твојата утроба, зашто си го родила Спасителот на душите наши. Богородице Дево, радувај се благодатна, зашто телесно во утробата го носеше Синот Божји; Радувај се оти го роди, Радувај се, оти мудреците му се поклонија, Радувај се, оти Христа по три дена си го пронашла во храмот, Радувај се, оти Христос воскресна од мртвите и се вознесе на небесата, Радувај се, оти ти самата на небесата си земна, Радувај се, оти тебе сите небесни жители ти се послушни. Радувај се, оти се` што сакаш можеш да направиш. Радувај се, Оти блиску си до пресвета Троица. Радувај се, Благодатна Марије, Господ е со тебе.
Една од иконите кои треба да ги поседуваме во домот е и иконата на Светиот Василиј Острошки
За овој светец се верува дека е човекот од народот кој секогаш се грижи за народот. Светецот кои оди меѓу луѓето. Иконата на Свети Василиј Острошки треба да се најде во секој дом, бидејќи се смета дека овој светец го чува семејството и куќата од пожар, зло и болести.
Имено многу верници се упатуваат и во Црна Гора да го посетат големиот Острошки манастир кој е посветен на овој светец.
Иконата на Пресвета Богородица Трорачица која ако ја погледнете подобро ќе забележите дека има насликано три раце кои симболизираат заштитничка на здравјето односно оваа светица ги ублажува болките во рацете како и лекува од разни други болести.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.