Крушево и Македонија денес ја чествуваат 115 годишнината од Илинденското востание и Крушевската Република.

Но кога за прв пат се прославил големиот историски датум?

Првата официјална прослава на Илинденското востание била во Крушево во 1918 година на крајот од Првата Светска војна а по повод 15 годишнината до Востанието.

Градот за тој настан бил во свечен лик. Биле истакнати црвени знамиња и црвени јаболии или флокати како што ги нарекуваат крушевчани по балконите од куќите.

Крушевските дуќанџии тој ден биле затворени бидејќи се празнувал и голем и значаен историски празник.

Централен настан во чествувањето била Панихидата која се одржала во крушевската црква Успение на пресвета Богородица но и во сите крушевски цркви а присутни биле и граѓаните но и најблиските на загинатите Илинденци како и преживеани борци од Илинденското востание.