Инспекторите во Република Македонија изрекуваат високи казни на сите компании без да ги опоменат претходно.

Бизнисмените викаат дека главна причина за тоа се нејасните закони и бараат многу прецизни одредби, кои за целост ќе го отстранат човечкиот фактор, а не инспекторите субјективно да уценуваат за прекршоци.
„Во голем дел од одредбите има можност да се изречат јавни опомени, за компаниите да ги отстранат неправилностите, а не да бидат веднаш гонети. Но, бидејќи тоа е можност, не се применува, затоа бараме со законските измени да биде задолжителна прво таа опомена, едукација, па ако компанијата не се усогласи, да биде гонета“, вели Даниела Арсовска, претседател на Сојуз на Стопански комори.

Од вкупно 29 инспекциски служби, компаниите најмногу се соочуваат со инспекторите на УЈП, Пазарниот, Трудовиот и Санитарниот инспекторат. Фирмите имаат големи надежи и истите се насочени кон новиот закон за инспекциски надзор кој власта го подготвува, и бара мислења од бизнисот.

Преку јавни листи коморите ќе им помагаат за проверки , и самите да видат дали се усогласени со законите.
„Ова особено се однесува на малите фирми, од по 3,4 вработени, кои немаат доволно капацитет да ги следат постојаните промени на законите“, вели Љубомир Димовски, Партнерство за подобра бизнис регулатива“.

Наспроти сите легални фирми кои се казнуваат, оние што работат во нормалната зона, никој не ги чепка, се бара власта да ги лови нелегалните бизниси.
Министерот Манчевски вели – на фирмите им ветивме дека ќе има прво опомени, а со казните нема да го полниме буџетот. Сите инспекциски служби, пред да влезат во некоја фирма, ќе мора прво да им достават листа на барања кои мора да ги исполнат.

„Инспекциските служби ќе прават проценка на ризик, кои компании во кои области се поризични, таму да прават контроли, оние што редовно си ги почитуваат законите, да не бидат под притисок“, вели Министерот за ИО и администрација“, Дамјан Манчевски.
Во земјава има вкупно 1000 инспектори, тие не се доволни, вели министерот, сите служби ќе кажат колку им недостигаат, па ќе се знае колку нови инспектори ќе се вработат.