Лидерот на ВМРО-ДПМНЕ Христијан Мицкоски денеска одржа прес-конференција пред партиското седиште заедно со поранешниот потпретседател на Интегра Воислав Зафировски, на која соопштија дека раководните структури на Интегра преминуваат во ВМРО-ДПМНЕ.

Започнува процесот на окрупнување на опозицискиот фронт.

Групации, здруженија на граѓани, поединци, политички партии се оние структури коишто ќе го окрупнат и омасоват опозицискиот блок против оваа мафија којашто денеска се наоѓа во Владата, вели Мицкоски!

Започнуваме од денеска, но во деновите коишто следат ќе видите и други примери и други случаи на окрупнување на разни структури во рамките на опозицискиот блок.

На прес-конференција со Христијан Мицкоски, тој рече дека во редовите на ВМРО-ДПМНЕ преминуваат и поголемиот дел од членовите на претседателството, носители и координатори на изборни листи и претседатели и членови од општинските комитети на Интегра.

„Деспотскиот однос на лидерот на Интегра, Љупчо Ристовски и неговата фикција дека тој е пророк и месија пратен од Бог и неговата фикција дека ќе ја спасува Макеоднија на волшебен начин ги сруши сите принципи за кои се боревме и партијата ја претвори во трговско друштво. Ја претвори партијата во некаква секта каде што тој самиот е партијата. Во такви услови ние одбиваме да работиме и да се декларираме како дел од таа Интегра и затоа се определивме да преминеме во ВМРО-ДПМНЕ“, рече Зафировски.

„Испраќаме повик до сите оние десноориентирани политички партии да ни се придружат да направиме блок кој ќе ја реализира онаа идеја која беше присутна уште пред изборите – да се сруши оваа власт која ја обезличи и обесчести Република Макеоднија. Затоа прифативме да бидеме дел од опозицијата, а не дел од власта. Ристовски и Интегра во која и ние дадовме придонес, во изминатиов период одработија за актуеланта власт“, рече Зафировски!