Кога во 1989 година се насетуваа првите сигнали дека доаѓа крајот на Југославија, тогаш младиот фармацевт и претставник на словенечката веледрогерија „Кемофармација“ одлучува да формира своја фирма „Зегин“.Во интервјуто за интернет порталот ИРЛ, сопственикот на ланец аптеки „ЗЕГИН“, Благој Механџиски-ЗЕГИН раскажува за основањето на компанијата, која успешно трае и до ден денес.

„Кога јас во тој период решив да отворам своја фирма и да заминам од „Кемофармација“ дома моите сите плачеа. Јас тогаш имав 15.000 марки плата. Толкава плата немаше никој во Македонија“, се потсетува сопственикот на „Зегин“ Благој Механџиски.

Отворањето на првата приватна фармацевска фирма во социјалистичка Македонија не било дочекано со љубезно добредојде. Механџиски вели дека неколку пати бил повикуван во полициска станица за да ги објасни мотивите за стартување на сопствен бизнис.

Првите лекови почнува да ги увезува со помош на „Кемофармација“, а во 1992 година ја отвора првата аптека. Денес „Зегин“ има ланец од 250 аптеки, од кои 150 во Македонија и 100 во Србија во кои има 3000 вработени. Механџиски поседува и млекара, негова е и винаријата „Лозар“, а има и поликлиника и ортопедија

.Тој вели дека кога го стартувал бизнисот не му помогнале ни ВМРО-ДПМНЕ, ни СДСМ и дека за неговиот успех никому не му бил должник. Сопственикот на „Зегин“ вели дека имал понуди да влезе во политика, но решил да остане да партиципира во општествените текови само како бизнисмен.

На прашање од новинарката, „Колку е богат?

„Јас на моето конто немам ниту денар, сите пари се во инвестиции. Сакам само да сум чисто облечен, бидејќи тоа го бара мојата професија, да бидам педантно и складно облечен, а само еднаш сум бил на годишен одмор на Тасос (Р.Грција) со поранешниот Премиер Љупчо Трпевски и толку.“

Погледнете го целото интервју подолу: