МВР денеска соопшти дека за време на вчерашната прослава имало неколку инциденти во Скопје.

Како што информираат од МВР,две возила се искршиле, едното возило со скопски регистарски таблици било оштетено на булевар Гоце Делчев, при што е повредено едно лице. Второто е службено возило на МВР кое било искршено пред Собранието.

„За време на прославата, пријавено е дека било оштетено патничко моторно возило Ауди А3 со скопски регистарски ознаки на булеварот Гоце Делчев. Возилото било оштетено од повеќе лица кои фрлале кон него со бекатон плочки. Притоа со телесна повреда на левата рака се здобил Ф.М. (18). Во врска со настанот од страна на единицата АЛФА биле приведени пет малолетници на возраст од 14 до 17 години, сите од Скопје. На улицата 11-ти Октомври пред Собранието било оштетено патничко моторно возило Шевролет спарк сопственост на МВР“, велат од Министерството.

МВР исто така апелира фо граѓаните на денешниот пречек на ракометарите и славјето на плоштадот “Македонија”, да не се употребуваат навредливи пароли, скандирања или пеење на песни со кои шират говор на омраза, затоа што тоа ќе биде санкционирано, но и да се воздржат од употреба на пиротехнички средства.

Со ист ваков апел излезе и  Хелсиншкиот комитет кој  бара институциите да го санкционираат поттикнувањето на насилство и ширењето меѓуетничка омраза.